ადრე ლაპარაკი მიდიოდა მხოლოდ იმაზე, გადავიდოდა თუ არა ჯანლუკა ძამბროტა იანვარში “ბარსელონადან” “მილანში”, ეხლა კი, როდესაც ამ კითხვას პასუხი უკვე გაეცა, წამოიჭრა ახალი კითხვა – სად გადავა ძამბროტა?

“მილანის” გარდა იტალიური განაპირა მცველით დაინტერესდნენ ინგლისური კლუბები, “ჩელსი” და “ტოტენჰემი”. ფეხბურთელის აგენტი დარწმუნებით ამბობს, რომ ძამბროტა მიმიდნარე სეზონს “ბარსელონაში” დაასრულებს და შემდეგ გადაწყვეტს თავის მომავალს.

თავად ძამბროტას სიტყვებს თუ დავუჯერებთ, იგი “ბარსელონაში” თავს მშვენივრად გრძნობს, მაგრამ კარიერის დასრულება მაინც სამშობლოში სურს: “მე მსურს მაქსიმალურად დავიხარჯო და რაც შეიძლება ბევრს მივაღწიო “ბარსელონაში”. მე მსურს კარიერის დასრულება სამშობლოში, მაგრამ ამჟამად აბსოლიტურად ბედნიერად ვგრძნობ თავს “ბარსელონაში” – განაცხადა ძამბროტამ.

შეგახსენებთ, რომ ჯანლუკას აქამდე მხოლოდ იტალიურ კლუბებში აქვს ნათამაშევი – “კომოში”, “ბარიში” და “იუვენტუსში”. მას “ბარსელონასთან” მოქმედი კონტრაქტი 2010 წლამდე აკავშირებს.