კოტდივუარელმა ფეხბურთელმა დიდიე დროგბამ ”ევროსპორტის” ტელეარხისთვის მიცემულ ინტერვიუში აღიარა, რომ ლონდონის ”ჩელსის” სეზონის ბოლოს აუცილებლად დატოვებს.

”გადაწყვეტილი ამბავია და ინიციატივა მხოლოდ ჩემგან მოდის. ვაცხადებ, რომ ”ჩელსიდან” წასვლა მსურს, ამის შესახებ გადაწყვეტილება ჯერ კიდევ 2-3 წლის წინ მივიღე, მაგრამ მაშინ ვერაფრით მოვახერხე ჩანაფიქრის განხორციელება, წლეულს კი ამას აუცილებლად მოვახერხებ.

გუნდიდან თვით მოურინიუს ნაადრევად გათავისუფლებამაც კი ვერ შეამსუბუქა ჩემი მდგომარეობა, პირიქით ”არისტოკრატების” კლუბთან გამოთხოვების სურვილი უფრო გამიძლიერა”, - აღნიშნა დროგბამ და იქვე დასძინა: ”ჩემს სამომავლო კარიერაზე არ ვაპირებ პოლემიკის გამართვას, რადგან სრულიად აფრიკის თასის გათამაშებაზე ვარ გადართული. ლონდონში დაბრუნების შემდეგ კვლავ საკლუბო ტურნირებში წარმატებაზე ვიფიქრებ, რომელშიც კი ჩემი ამჟამინდელი გუნდი ასპარეზობს. ”ჩელსისთვის” ყველაზე პრიორიტეტული, რა თქმა უნდა, ჩემპიონთა ლიგის გათამაშება და ინგლისის პრემიერლიგა ითვლება, ჭორები იმის შესახებ რომ მე მილანში გადავდივარ, შეიძლება ახდეს მაგამ სხვა ვარიანტიც არის.განაცხადა დოგბამ.