„შალკემ“ სქართველოს ნაკრების 17 წლის ნახევარმცველ ლევან ყენიასთან გააფორმა კონტრაქტი, რომლის მიხედვითაც ქართველი ფეხბურთელი 2012 წლის ზაფხულამდე დაიცავს გერმანული კლუბის ღირსებას. გერმანელებმა თბილისის „ლოკომოტივს“ 500 000 ევრო გადაუხადეს მის სანაცვლოდ. ლევანმა 16 წლის ასაკში 5 მატჩი ჩაატარა ეროვნულ ნაკრებში და თავისი თამაშით ბევრი კლუბის დაინტერესებაც მოახერხა. „ჩვენ ძალიან კმაყოფილები ვართ, მასთან კონტრაქტის გაფორმებით. ის ახალგაზრდა იმედისმომცემი ფეხბურთელია , შესანიშნავ ტექნიკას ფლობს და მშვენიერად ხედავს მოედანს“ - კმაყოფილება ვერ დამალა „შალკე“ გენერალურმა დირექტორმა ანდრეას მიულერმა. ყენია ძირითად გუნდთან ერთად იბარჯიშებს, მაგრამ ჯერჯერობით „შალკეს“ ახალგაზრდულ გუნდთან ერთად იასპარეზებს.