ქართველი ვუნდერკინდი “შალკეს” საკუთრებაა-ასე წერია გერმანულ პრესაში.
ლევან ყენია ეხლახანს გახდა 17 წლის და ის უკვე საქართველოს ეროვნული ძირითადი შემადგენლობის ფეხბურთელად ითვლება. ლევანი ჩვენი ქვეყნის პერსპექტიული ფეხბურთელია.

ლევანის “შალკეში” გადასვლაზე ჯერ კიდევ ერთი წლის წინ საუბრობდნენ. საბოლოოდ ლევანმა “ხუმარების” 19-წლამდელთა გუნდში დაიწყო ვარჯიში და მაშინვე გამოჩნდა, რომ “შალკეს” ხელმძღვანელობას ძალიან მოეწონა.

“ყენიამ 19-წლამდელთა გუნდის მწვრთნელ ნორბერტ ელერტს თავი მოაწონა. ჩვენ გადავწვიტეთ ამ ბიჭის დატოვება”-ამბობს “შალკეს” გენერალური მენეჯერი ანდრეას მიულერი.

“მოხარულნი ვართ, რომ ქართველი ფეხბურთელი ჩვენია. ის საოცარი ტალანდია, მოედნის ბრწყინვალე ხედვა და ნატიფი ტექნიკა აქვს”- ამ სიტყვებით შეაქო მიულერმა.

ყენიას “შალკეში” თანამემამულე ლევან კობიაშვილი დახვდა, რომელიც ძალიან აქებს.

“ახლა ის გერმანულს სწავლობს. ბევრი რამ უკვე ესმის”-განაცხადა კობიმ.

“შალკეს” 19-წლამდელებს ტურნირი ეწყებათ, რომელიც მთელი გერმანიის მასშტაბით იმართება, ყენიას დებიუტიც აქ შედგება.

ლევანის კონტრაქტი ასეთია: როგორც კი 18 წლის გახდება, კონტრაქტი ავტომატურად პროფესიონალური ხდება. ყენიას ხელშეკრულება 2012 წლის 30 ივნისამდეა.

გაზეთი “სარბიელი”