ლონდონის “ტოტენჰემის” ფორვარდი დიმიტარ ბერბატოვი ბულგარეთის 2007 წლის საუკეთესო ფეხბურთელად დაასახელეს. აღნიშნულის შესახებ ინფორმაცია უეფას ოფიციალურმა ვებ-გვერდმა გაავრცელა. ბულგარეთის ნაკრების კაპიტანმა გამოკითხვაში “მანჩესტერ სიტის” ნახევარმცველ მარტინ პეტროვსა და სოფიის “ლევსკის” მეკარე გეორგი პეტკოვს აჯობა. ბერბატოვმა, რომელიც ბულგარეთში საუკეთესოდ 2002, 2004 და 2005 წლებშიც უღიარებიათ, 427 ჟურნალისტის ხმა მიიღო, პეტროვს 246 ხმა ერგო, პეტკოვს კი – 47. თუკი “ტოტენჰემის” თავდამსხმელი ჟურნალისტთა აღიარებას კიდევ ერთხელ მოიპოვებს, იგი ლეგენდარულ ხრისტო სტოიჩკოვს გაუტოლდება, რომელიც ბულგარეთის უპირველეს ფეხბურთელად ხუთჯერ არის დასახელებული.

წყარო:euro-football.ru