Главная » 2008 January 12 » ელმანდერი “ბოლტონში” ???
ელმანდერი “ბოლტონში” ??? | 16:43 |
 ინგლისურ საფეხბურთო კლუბ “ბოლტონის” მთავარ მწვრთნელ გარი მეგსონს, გუნდში შვედეთის ნაკრებისა და ფრანგული “ტულუზას”იოჰან ელმანდერის ხილვა სურს. როგორც Sky Sports-ი იტყობინება, ინგლისური კლუბი, რომელმაც წამყვანი ფორვარდის, ნიკოლა ანელკას ტრანსფერის სანაცვლოდ, გუშინ “ჩელსისგან” 15 მილიონი ფუნტი სტერლინგი მიიღო, ელმანდერს ფრანგი ფეხბურთელის შემცვლელად მიიჩნევს. თუმცა, 26 წლის ფეხბურთელისთვის “ბოლტონს” “ტოტენჰემთან” და “მანჩესტერ სიტისთან” მოუწევს ბრძოლა. “იოჰანმა ჩემი ყურადღება ჯერ კიდევ “ბრონდბიუში” ასპარეზობის დროს მიიპყრო. ის ერთ-ერთი პირველია იმ თავდამსხმელთა სიაში, რომელთაც სიამოვნებით გავუფორმებთ კონტრაქტს", _ განაცხადა მეგსონმა. “ბოლტონის” მიერ მიმდინარე სეზონში გატანილი 22 გოლიდან 10, ანელკას ანგარიშზეა. ფრანგმა ფეხბურთელმა ბოლტონელთა შემადგენლობაში 18 მატჩი ჩაატარა. თავის მხრივ, 10 გოლი აქვს გატანილი მიმდინარე სეზონში ელმანდერსაც, რომელმაც ეს შედეგი, “ტულუზას” შემადგენლობაში გამართულ 15 მატჩში აჩვენა. | |
| Категория: ინგლისი | Просмотров: 1211 | Добавил: vako_barca | Рейтинг: 0.0/0 | | |
| Всего комментариев: 0 | |
