იტალიური საფეხბურთო კლუბის “რომას” კაპიტანმა ფრენჩესკო ტოტიმ განაცხადა, რომ ქვეყნის ოლიმპიურ ნაკრების შემადგენლობაში პეკინის 2008 წლის ოლიმპიადაზე თამაშს არ აპირებს.
TG1-ისთვის მიცემულ ინტერვიუში ტოტიმ აღნიშნა, რომ ეს მისი მხრიდან არასწორი საქციელი იქნება.
“პეკინში გამგზავრება არ მსურს. ეროვნულ ნაკრებსა და ოლიმპიურს შორის, ამ შემთხვევაში, დიდი სხვაობა არ არის. თუ ევროპის 2008 წლის ჩემპიონატზე არ ვითამაშებ, ოლიმპიადაზე გამგზავრება არასწორი საქციელი იქნება” – განაცხადა ტოტიმ.
31 წლის ფეხბურთელმა სანაკრებო კარიერა მსოფლიოს 2006 წლის ჩემპიონატის შემდეგ დაასრულა. მიუხედავად ამისა, იტალიის ოლიმპიური ნაკრების მთავარმა მწვრთნელმა პიერლუიჯი კაზირაგიმ მზადყოფნა გამოთქვა, ტოტი თავის გუნდში მიეწვია.
ოლიმპიურ ნაკრებში თამაშის უფლება 23 წელს გადაცილებულ 3 ფეხბურთელს აქვს.