“ლივერპულს” შესაძლოა მფლობელი შეეცვალოს

ინგლისურ საფეხბურთო კლუბ “ლივერპულს”, შესაძლოა, მფლობელი შეეცვალოს.
ინტერნეტ-გამოცემა Football.guardian-ის ინფორმაციით, კლუბის ამჟამინდელი მფლობელები, ამერიკელი ბიზნესმენები ტომ ჰიკსი და ჯორჯ ჯილეტი, რომლებმაც ბანკის კრედიტი 350 მილიონი ფუნტ სტერლინგი აქამდე ვერ დაფარეს, “ლივერპულის” აქციათა საკონტროლო პაკეტის გაყიდვის ვარიანტს განიხილავენ.
ყოველივე ამას ხელი შეუწყო იმანაც, რომ ახალი სტადიონის პროექტის განხორციელებისთვის საჭირო თანხის ოდენობა ნავარაუდევზე მეტად გაიზარდა.
“ლივერპულის” შეძენის სურვილს Dubai International Capital-ი გამოთქვამს, რომლის მეპატრონე სამირ ალ ანსარი “მერსისაიდელთა” გულშემატკივარია და კლუბის შეძენას ჯერ კიდევ გასული წლის თებერვალში ცდილობდა.
გარიგების სავარაუდო თანხად, 500 მილიონი ფუნტ სტერლინგი სახელდება