Главная » 2008 January 13 » "მე იესოს ვეკუთვნი"
"მე იესოს ვეკუთვნი" | 18:14 |
არც ისე დიდი ხნის წინ "მილანის" სუპერვარსკვლავმა კაკამ მედიასთან საუბარში აღნიშნა, რომ საფეხბურთო კარიერის დასრულების შემდეგ საერო ცხოვრებას აღარ გააგრძელებს და პასტორი გახდება. კაკას რელიგიურობის შესახებ აქამდეც იყო ცნობილი - მაისურის ქვეშ ის ატარებს წარწერას: "მე იესოს ვეკუთვნი" და ყველა გოლის შემდეგ უფალს უხდის მადლობას. ასეთივე გზა აირჩია სერბეთის ნაკრების ფორვარდმა, "ჩელსის" ყოფილმა ფეხბურთელმა, ამჟამად კი თურქულ "ფენერბახჩეში" მოთამაშე მატეა კეჟმანმაც. როგორც ირკვევა, კეჟმანიც რელიგიური ადამიანი ყოფილა და სპორტული კარიერის შემდეგ აპირებს ბერად აღიკვეცოს. "ადრე, როდესაც ეკლესიაში შევდიოდი, ბერებს თანავუგრძნობდი - ისინი ხომ ყოველდღიურ სიამოვნებას მოკლებული არიან. ბოლო დროს ხშირად ვფიქრობ სიცოცხლის არსზე, ვფიქრობ მამაზეციერზე და ვხვდები, რომ ყველაზე ახლოს ღმერთთან სწორედ ბერები არიან," - აცხადებს კეჟმანი. მატეა გარკვეულ ყოფით სიამოვნებებზე აქედანვე აპირებს უარის თქმას. სერბი ფეხბურთელი არასდროს ყოფილა გულგრილი სვირინგების მიმართ. მის სხეულს არაერთი ნახატი ამშვენებს. ახლა კი მატეა აპირებს უარი თქვას სვირინგებზე, შეძლებისდაგვარად მოიცილოს ყველა და ახალი აღარ გაიკეთოს. გულშემატკივარს შევახსენებთ, რომ თავის დროზე კეჟმანი არაერთი სკანდალური ისტორიის მთავარი გმირი იყო, ძირითადად ქალებთან დაკავშირებით. როგორც ჩანს, მატეას ამაზეც მოუწევს უარის თქმა. წყარო: www.sportbox.ru | |
Категория: სხვა | Просмотров: 1398 | Добавил: vako_barca | Рейтинг: 0.0/0 | |
Всего комментариев: 3 | |
| |