კატალონიური “ბარსელონას” პრეზიდენტმა ჟოან ლაპორტამ, ბრაზილიელი ფეხბურთელის რონალდინიოს დაასახმარებლად ექიმი მოიწვია _ იუწყება ესპანური პრესა.
სამხრეთამერიკელის ტრავმები “ბარსელონაში” უკვე მოწყინდათ, მაგრამ მისი ადრინდელი დამსახურებებიდან გამომდინარე, მისთვის “ხელის კვრას” არავინ აპირებს და პირიქით სურთ დაეხმარონ.
შაბათს, როდესაც გუნდი “მურსიასთან” სათამაშოდ ემზადებოდა, რონალდინიო მორიგმა ექიმმა გასინჯა. ბრაზილიელმა კონსულტაცია საკუთარი ქვეყნის ნაკრების ექიმთანაც გაიარა.
როგორც მედიკოსები ეჭვობენ, რონალდნიოს მარჯვენა ფეხზე წვივის კუნთი აქვს დაზიანებული. მსგავსი ტრავმა, რომელიც სირბილის დროს მწვავე ტკივილს იწვევს, ხშირად აწუხებთ ფუტზალის მოთამაშეებს.
საახალწლო დღესასწაულების შემდეგ, ბარსელონაში დაბრუნებულმა რონალდინიომ ტკივილი პირველივე ვარჯიშზე იგრძნო და იქედან მოყოლებული, ან სატრენაჟორო დარბაზში ვარჯიშობს, ან კიდევ გიმნასტიკითაა დაკავებული.
მართალია, მას კვირას ბურთთან ერთად ვარჯიშის ნება დართეს, მაგრამ ჯერჯერობით, ექიმები ფეხბურთელისთვის დიდი დატვირთვის მიცემას ერიდებიან.
უკანასკნელ პერიოდში, უიღბლობა რონალდინიოს ცხოვრების თანმდევია. მაგალითად, გასულ კვირაში, ბარსელონაში ძლიერი ქარი ქროდა და ფეხბურთელის ეზოში მდგომი ერთ-ერთი ფიჭვის ხე, მის საცხოვრებელ სახლს დაეცა. საბედნიეროდ, ამ შემთხვევის შედეგად არავინ დაშავებულა.


წყარო:football.ua