კაპიტანი ჯონ ტერი მზად არის, ინგლისის ნაკრების კაპიტნის სამკლავური დევიდ ბექჰემს დაუბრუნოს.
ამის შესახებ, ინგლისელმა მცველმა Guardian-ისთვის მიცემულ ინტერვიუში ისაუბრა.
ინგლისის ეროვნული ნაკრები თებერვალში ამხანაგურ მატჩს ჩაატარებს შვეიცარიასთან. ეს შეხვედრა კი ბექჰემის სანაკრებო კარიერაში მე-100 იქნება.
“ნაკრების შემადგენლობაში მე-100 მატჩში კაპიტნის სამკლაურის მორგება დევიდისთვის მნიშვნელოვანი რამ იქნება. ის დიდი ფეხბურთელი და შესანიშნავი ადამიანია, ამიტომ ამას იმსახურებს. იმედი მაქვს, რომ ის ეროვნული გუნდში კიდევ ბევრ შეხვედრას ჩაატარებს. რაც შემეხება მე, კაპიტნის როლს ჩემთვის გადამწყვეტი მნიშვნელობა არა აქვს. მთავარია, ინგლისის ნაკრებმა დაიბრუნოს მსოფლიოს ერთ-ერთი საუკეთესო გუნდის სტატუსი” – განაცხადა ტერიმ.
ბრიტანული პრესა ბოლო პერიოდში მუდმივად იუწყება, რომ ინგლისის ნაკრების ახალი მწვრთნელის ფაბიო კაპელოს სურვილია, ეროვნულ გუნდს ისევ დევიდ ბექჰემმა უკაპიტნოს.
“ლოს ანჯელეს გელექსის” ნახევარმცველს ინგლისის ნაკრების კაპიტნის სამკლავური ფაბიო კაპელოს წინამორბედმა სტივ მაკლარენმა ჩამოართვა.

წყარო:football.ua