Главная » 2008 January 15 » აფრიკის ჩემპიონატი
აფრიკის ჩემპიონატი | 20:07 |
 წლის პირველი საფეხბურთო მოვლენა აფრიკის კონტინენტზე კერძოდ კი განაში შედგება, სადაც კონტინენტის საუკთესო 16 გუნდი ერთმანეთს პირველობას შეეცილება. იყო დრო, როდესაც აფრიკის თასის გათამაშება მნიშვნელოვანი საფეხბურთო მოვლენების კალენდარში საერთოდ არ მოიხსენიებოდა, თუმცა ვითარება შეიცვალა და ახლა აფრიკის თასის გათამაშება არანაკლებ ინტერესს იწვევს, ვიდრე თუნდაც ევროპის ჩემპიონატი ან კოპა ამერიკა. აფრიკის ქვეყნებმა უკვე დაიმკვიდრეს ადგილი საფეხბურთო ელიტაში და ამ გუნდების თამაშიც დიდ ინტერესს იწვევს. რაც მთავარია ფიფამ იმდენი მოახერხა, რომ აფრიკის თასის გათამაშებაზე ევროპაში მოასპარეზე აფრიკელი ვარსკვლავები თითქმის სრული შემადგენლობით ჩადიან და ეს კონტინენტის პირველობას კიდევ უფრო მეტ ხიბლს სძენს. წლევანდელი ტურნირის მთავარი ფავორიტი ცხადია განის ნაკრები იქნება. უპირველეს ყოვლისა, ეს გუნდი საკუთარ მინდორზე ითამაშებს და ამით ექნება კონკურენტებთან შედარებით სოლიდური უპირატესობა. თანაც განის ნაკრები საკმაოდ კარგად არის დაკომპლექტებული, თუნდაც მარტო მიკაელ ესიენი რად ღირს, რომელიც დღესაც "ჩელსის" ლიდერად არის მიჩნეული. მასპინძლებთან ერთად ფავორიტთა შორის უნდა მოვიხსენიოთ ნიგერიის, კამერუნის, ტუნისის, სენეგალის, სამხრეთ აფრიკისა და კოტდივუარის ნაკრები გუნდები. საკმაოდ დიდ ინტერესს იწვევს სამხრეთ აფრიკის ნაკრები გუნდი, ვინაიდან სწორედ ეს ქვეყანა უმასპინძლებს 2010 წლის მუნდიალის ფინალურ ეტაპს და ამ გუნდის მზადყოფნა მსოფლიოს ჩემპიონატისთვის გულშემატკივრისთვის ნამდვილად საინტერესო იქნება. აფრიკის თასის გათამაშება კი 20 იანვარს აიღებს სტარტს. ჯერ ჯგუფური ეტაპის მატჩები გაიმართება, კონტინენტის ჩემპიონის ვინაობას კი 10 თებერვალს შევიტყობთ. წყარო: www.sportbox.ru | |
| Категория: სხვა | Просмотров: 1468 | Добавил: vako_barca | Рейтинг: 0.0/0 | | |
| Всего комментариев: 0 | |
