Главная » 2008 January 16 » ნოდარ ახალკაცი
ნოდარ ახალკაცი | 22:03 |
 გაზეთ ”ოლიმპის” დღევანდელ ნომერში საქართველოს ფეხბურთის ფედერაციის პრეზიდენტ ნოდარ ახალკაცთან ინტერვიუ გამოქვეყნდა, სადაც ის არაერთ საინტერესო საკითხზე საუბრობს. ინტერვიუს მცირე შემოკლებით გთავაზობთ. * * * საქართველოს ფეხბურთის ფედერაციის პრეზიდენტი ნოდარ ახალკაცი, გენერალური მდივანი უჩა უგულავა და ეროვნული გუნდის თავკაცი კლაუს ტოპმიოლერი სოფიაში იმყოფებიან, სადაც მალე მსოფლიო ჩემპიონატის VIII შესარჩევი ჯგუფის კალენდარი უნდა დამტკიცდეს. თქვენი გაზეთის საშუალების მინდა განვლილი დღესასწაული მივულოცო მთელ საქართველოს. ქართველ ხალხს ბედნიერებას, ჯანმრთელობას, ყოველივე საუკეთესოს ვუსურვებ. ღმერთმა ქნას, ეს წელი წარმატების მომტანი ყოფილიყოს ქართული ფეხბურთისთვის! მოუთმენლად ველით სოფიური ამბების შეტყობას. მსოფლიო ჩემპიონატის VIII შესარჩევი ჯგუფის კალენდარი ხომ არ დამტკიცდა? არა, კალენდარი არ დამტკიცებულა. დღეს მაინც პირველი დღეა და სხვადასხვა ქვეყნის დელეგაციები სოფიაში ნელ-ნელა იკრიბებიან. ამ დროისთვის ყველა არც ჩამოსულა. ცოტა ხანში ოფიციალურ ვახშამზე ვიკრიბებით, ხვალ კი მოლაპარაკებები განახლდება და ვფიქრობ, კონკრეტულ შედეგსაც მივაღწევთ. რომელი დელეგაციები ესტუმრნენ სოფიას? აქ ვართ ქართველები, ბულგარელები, კვიპროსელები და ირლანდიელები. ყველანი ერთ სასტუმროში, ”გრანდ ოტელში” ვცხოვრობთ. რა თქმა უნდა, ამ და სხვა ქვეყნების წარმომადგენლებთან გვაქვს წინასწარი კონსულტაციები. ზუსტად უნდა გავიგოთ, ვის რა სურს. როგორც უკვე გითხარით, ჯერ არ ჩამოსულან ჩერნოგორიისა და იტალიის წარმომადგენლები. როგორც გვაცნობეს, ისინი გზაში არიან და მალე სოფიაში იქნებიან. ასე რომ, ხვალ ყველანი ერთად ვიქნებით და ალბათ, მოვილაპარაკებთ. კონსულტაციები ახსენეთ და საინტერესოა, ჩვენი ჯგუფის რომელიმე წარმომადგენელთან პრინციპულ შეთანხმებას თუ მიაღწიეთ? კონსულტაციები მართლაც ყველასთან იყო და თანაც, ძალიან ინტენსიური. პრინციპულ შეთანხმებაზე საუბარი კი, ჯერჯერობით, ნაადრევია. აქ იმიტომ ვართ, რომ აზრები შევაჯეროთ. პირველი მატჩი იტალიაში და მეორე თბილისში, კვიპროსთან. აგრეთვე შესარჩევი ციკლის დასრულება ”სკუადრა აძურასთან” საშინაო მატჩით. როგორ ფიქრობთ, სხვები ამაზე წამოვლენ? იტალიასთან და კვიპროსთან მოლაპარაკებები უკვე იყო და პრინციპში, ეს გუნდები წინააღმდეგნი არ არიან. ძალიან ბევრი რამ იქნება დამოკიდებული სხვა ქვეყნების პოზიციაზეც, რადგან ერთმაც რომ თქვას უარი და საკითხს ვეტო დაადოს, მისი დამტკიცება ვერანაირად ვერ მოხერხდება. სწორედ ამიტომ არ ჩავუღრმავდები ჩვენს მონახაზს, რომლის ძირითადი ორიენტირები თქვენთვის ისედაც კარგადაა ცნობილი. ვნახოთ, რას მოვახერხებთ, როგორ წავა საქმე. ისე კი, ცხადია, რომ ყველაფერს გავაკეთებთ იმისათვის, რომ ჩვენთვის სასურველი ვარიანტი გავიდეს. ერთიცაა: იტალიასთან თამაში შეჯიბრების სტარტზე ყველას სურს. თვით ”სკუადრა აძურას” ხელმძღვანელებიც აღიარებენ, რომ ეს მათთვის ძალიან რთული დროა, უჭირთ თამაში. გაიხსენეთ, როგორ დაიწყო ევროპის ჩემპიონატის შესარჩევი ციკლი იტალიამ. თუ გახსოვთ, მაშინ რობერტო დონადონის შეგირდებმა ლიტვის დამარცხება ვერ შეძლეს საშინაო შეხვედრაში. რა თქმა უნდა, ეს ჩვენს გარდა სხვებმაც იციან და სწორედ ამიტომ მგონია, რომ იტალიასთან თამაშის დასაბევებლად პირველ ტურში ნამდვილი ”ომი” გაიმართება. სასურველია მეორე თამაშის კვიპროსთან ჩატარება და არ მინდა მოვლენებს წინ გავუსწრო. ხვალ იქნება მოლაპარაკება და ყველაფერს გავიგებთ. სად შედგება დასკვნითი შეხვედრა? შორს წასვლა არ მოგვიწევს, ისევ ”გრანდ ოტელში” შევიკრიბებით, სადაც დაბინავებულნი ვართ. რომელიმე მეტოქისგან განსაკუთრებულ ბარიერს ხომ არ ელით? ახლა ძალიან ძნელია ამაზე საუბარი. ვნახოთ, ყველაფერი უშუალოდ მოლაპარაკების პროცესში გაირკვევა. ისე, ყველა ქვეყნის ფეხბურთის ფედერაციის ხელმძღვანელობასთან ძალიან საქმიანი და ამავე დროს, მეგობრული ურთიერთობა გვაქვს. საქართველოს ფეხბურთის ფედერაციამ ეროვნული ნაკრებისთვის რამდენიმე კარგი სპარინგი გაჩარხა. არადა, არსებობს იმის შანსი, რომ ევროპულ შეკრებაზე ორ გრანდს დავუპირისპირდეთ... ყველაფერს გავაკეთებთ საიმისოდ, რომ ეროვნული ნაკრები მსოფლიო ჩემპიონატის შესარჩევ ციკლს კარგად მომზადებული შეხვდეს. ევროპული შეკრებაც ამიტომ დავგეგმეთ და უახლოეს მომავალში თქვენგან ნახსენები გრანდების დაყოლიებასაც მოვახერხებთ. | |
| Категория: სხვა | Просмотров: 1444 | Добавил: vako_barca | Рейтинг: 0.0/0 | | |
| Всего комментариев: 2 | |||
| |||
