Главная » 2008 January 17 » კაპელო უარყოფს
კაპელო უარყოფს | 17:35 |
 ინგლისის ფეხბურთელთა ეროვნული ნაკრების მთავარი მწვრთნელი ფაბიო კაპელო, რომელიც გადასახადების დაფარვაშია ეჭვმიტანილი, თავს უდანაშაულოდ მიიჩნევს. ВВС-ის ცნობით, ინგლისის საფეხბურთო ასოციაცია, დღეს გავრცელებულ ინფორმაციას, იტალიელ სპეციალისტთან საუბრის შემდეგ გამოეხმაურა. ინგლისური ფეხბურთის მმართველები კაპელოს უდანაშაულობაში დარწმუნებულნი არიან. “როგორც ჩვენთვის არის ცნობილი, იტალიის საგადასახადო სამსახური ამჟამად ბევრი ცნობილი ადამიანის ფინანსური საქმიანობის შესწავლით არის დაკავებული, განსაკუთრებით სპორტში მოღვაწეების. ჩვენ უკვე მივიღეთ ფაბიო კაპელოს განმარტებები. მან დაგვარწმუნა, რომ საგადასახადო საკითხები მოწესრიგებული აქვს და უდანაშაულოა. ფაბიოსთან საუბრის შემდეგ, ამ საკითხზე კომენტარების გაგრძელების აზრს ვერ ვხედავთ” – აღნიშნულია ინგლისის საფეხბურთო ასოციაციის განცხადებაში. Reuters-ის ინფორმაციით, ტურინის პროკურატურა აღნიშნული საქმის ძიებას უკვე ერთი წელია აწარმოებს. იტალიური კანონმდებლობის მიხედვით, კაპელოს გადასახადები უნდა გადაეხადა სპონსორებისგან მიღებული თანხებიდან, რომელსაც ლუქსემბურგში ინახავს. გამომძიებლები ამჟამად, მწვრთნელის მიერ 1999-დან 2006 წლამდე განხორციელებული ფულადი გადარიცხვების შესწავლით არიან დაკავებულნი. 1999-2004 წლებში, ფაბიო კაპელო “რომას” ედგა სათავეში, 2004-2006 წლებში კი _ ტურინის “იუვენტუსს”. იგივე პრობლემა, რომლის წინაშეც ახლა ფაბიო კაპელო დგას, ერთი წლის წინ ჰოლანდიელ სპეციალისტს გუუს ჰიდინკსაც შეექმნა. | |
| Категория: სხვა | Просмотров: 1435 | Добавил: vako_barca | Рейтинг: 0.0/0 | | |
| Всего комментариев: 0 | |
