ინგლისის პრემიერლიგაში მოასპარეზე ლონდონის “ტოტენჰემის” ინტერესთა სფეროში, ესპანეთის “სევილიას” რუსი თავდამსხმელი ალექსანდრ კერჟაკოვი მოხვდა.
ამის შესახებ ინგლისური გამოცემა The Times იტყობინება.
როგორც გამოცემა იუწყება, ლონდონელთა მთავარ მწვრთნელ ხუანდე რამოსს კერჟაკოვის თამაში მოსწონს. ესპანელის აზრით, რუსი თავდამსხმელი სათადარიგო ფორვარდისთვის იდეალური კანდიდატურაა.
გამომდინარე იქიდან, რომ “ტოტენჰემი” შესაძლოა ჯერმენ დეფომ და დარენ ბენტმა დატოვონ, გუნდს კიდევ ერთი მაღალი დონის ფორვარდი სჭირდება. გამოცემა გვამცნობს, რომ რადგან კინი-ბერბატოვის წყვილი ფაქტობრივად შეუცვლელია, “ტოტენჰემისთვის” კერჟაკოვის სტილის თავდამსხმელი მისწრებაა.
“ჩემთვის მიუღებელია ის დრო, რასაც “სევილიის” შემადგენლობაში მოედანზე ვატარებ, ამიტომ გუნდის შეცვლის თაობაზე წინადადებებს აუცილებლად განვიხილავ” – განაცხადა კერჟაკოვმა The Times-თან საუბარში.


წყარო:football.ua