პორტუგალიის საფეხბურთო ნაკრებისა და ესპანური “ბარსელონას” ნახევარმცველის დეკოს შეძენის სურვილს, ერთბაშად, სამი ინგლისური კლუბი გამოთქვამს.
ბრიტანული პრესის ინფორმაციით, დეკოს ერთ-ერთი ბოლოდრინდელი ინტერვიუს შემდეგ, რომელშიც მან კარიერის სხვა კლუბში გაგრძელების შესაძლებლობა არ გამორიცხა, ფეხბურთელის მიმართ ინტერესი ლონდონის “ჩელსიმ”, “ტოტენჰემმა” და “ნიუკასლმა” გამოხატეს.
მიუხედავად ამისა, “ბარსელონას” მთავარ მწვრთნელს ფრანკ რაიკაარდს სჯერა, რომ დეკო სამუშაო ადგილს არ შეიცვლის.
“დეკოს პირადად ვესაუბრე და შემიძლია ვთქვა, რომ მისი სიტყვები, ინტერვიუში, კონტექსტიდან ამოვარდნილი იყო. ამ ფეხბურთელმა “ბარსელონას” ბევრი რამ მისცა და თავადაც ბედნიერია აქ თამაშით. ამიტომ დარწმუნებული ვარ, ის ჩვენთან დარჩება” – აცხადებს ჰოლანდიელი სპეციალისტი.